Presentación de "Arruídos" primeiro disco do Coro Tradicional Cantares do Brión
Mércores, 30 Xullo 2014 07:01
Venres, 1 de agosto, ás 22:30 horas, na Alameda de Gondomar, concerto de presentación do disco "Arruídos", do coro tradicional Cantares do Brión.
No repertorio, a maior parte das pezas gravadas para o disco e algunhas de nova incorporación.
Algunhas sorpresas, como baile e representación teatral, relacionada coa tradición oral da serra do Galiñeiro.
A acollida do disco "Arruídos", no mercado desde o 15 de maio, está resultando excelente, de xeito que foi xa reeditado recentemente.
Este coro, de recente creación, está sendo moi valorado e favorablemente glosado por xentes da nosa cultura como Xosé Neira Vilas, Xosé Luís Méndez Ferrín ou Manuel Bragado.